【🍁Autumn Glory 蘋果🍎】原來蘋果都有肉桂焦糖味?

「一日一蘋果，醫生遠離我。」相信大家都耳熟能詳,  但如果食 Autumn Glory 蘋果, 就會係 「一日一 Autumn Glory蘋果，幸福靠近您。」Autumn Glory 蘋果 – 紅黃相間、口感甘甜、果肉堅實, 仲帶點肉桂同焦糖嘅香味, 其獨樹一格的口味,  被稱為蘋果界嘅 Audrey Hepburn 都唔誇張。關於 Autumn Glory 蘋果🍎, 你又知幾多呢 ?

Autumn Glory 🍎 同其他蘋果嘅分別

歷史悠久嘅種植者 🌳

Autumn Glory 蘋果由 Domex Superfresh Growers 種植,  佢地家族種植各類水果已超過 125 年,  目前係第五代農民,  亦都係太平洋西北地區最大嘅蘋果供應商。

種植水果嘅世外桃園 🍎🍓

Domex Superfresh Growers 嘅果園位於華盛頓州山谷地區，當地陽光充足、四季分明、晝夜溫差大、降雨量少、年均溫度偏低，為蘋果嘅栽培提供咗絕佳嘅氣候同溫度條件。清澈潔淨嘅河流, 都為蘋果園提供咗方便純淨嘅灌溉水源。

與別不同嘅品種 ✨

Autumn Glory 蘋果係一種獨特嘅品種，結合咗富士蘋果同金冠蘋果嘅爽脆香甜，由王玉林博士於 1976 年培育，經過近十年嘅研發栽培出來嘅非基因改造蘋果。

萬中無一嘅味道 & 口感 😋

Autumn Glory 蘋果果皮黃中透紅，果形渾圓飽滿，黃色果肉香氣濃郁、質地清脆、甜美多汁，酥脆爽口。更特別嘅係，蘋果滲透住焦糖同淡淡肉桂香味，多重味道令人感到齒頰留香。

 

Autumn Glory 蘋果令你比其他人更健康 💪🏼

一個 Autumn Glory 只有 50 kcal，比其他經常出現嘅零食，例如珍珠奶茶 (610 kcal) 同熱浪薯片 (136 kcal) 少得多 ! 而且食得多 Autumn Glory 蘋果，好快就會發現自己比身邊嘅人更健康 ! 所以食蘋果到底有咩好 ?

💯皮膚變好: 蘋果中嘅維生素Ｃ有效抑制皮膚黑色素形成，幫助消除皮膚色斑，延緩皮膚衰老。

💯改善體內膽固醇 + 減少三酸甘油脂: 壞膽固醇會大幅減少，亦可預防膽固醇堆積係血管壁，岩哂平時飲食習慣唔規律 + 運動不足嘅人。

💯預防高血壓、保護血管: 蘋果富含鉀，可以同體內過多的鈉結合，令身體排出多餘嘅鹽份，預防血管損傷，防止高鹽分導致嘅高血壓。

💯增強大腦能力: 蘋果有「智慧果」、「記憶果」嘅美稱，因為蘋果含有豐富嘅糖、維生素同礦物質等大腦必需營養素，有助增進記憶力同學習能力。

💯保持腸道環境健康: 含有膳食纖維，抑制體內醣類和脂肪的吸收，亦可以幫助排便。

 

Autumn Glory 🍎 懶人必學 + 零失敗食用方式 

除左做飯後果之外，同朋友野餐、又或者自己一個係屋企都可以試下整嘅超簡單又好食嘅蘋果批 ! 🥧

材料

🔺蘋果  -  1 個

🔺蛋黃  -  1 個

🔺酥皮  -  3 片

🔺糖     -   30g

🔺水     -   20ml

🔺鹽     -   少量

🔺肉桂粉   -   適量

 

做法

① 將蘋果削皮切丁 🔪 

② 將蘋果丁、糖、鹽、水放入小鍋，開火煮滾後加入肉桂粉，攪拌均勻後煮到收汁🥢

③ 準備兩片酥皮，第一片用叉輕叉小洞，第二片用刀輕劃三刀 

④ 將步驟 (2) 煮好嘅蘋果餡放係酥皮中間，然後用另一片蓋上

⑤ 用叉將四邊壓緊

⑥ 刷上蛋液，放入氣炸烤箱 175 度 氣炸 10 分鐘 ~ 完成上碟 😋🍴