日本青森 Sugoi 蘋果獨特品種：超越常規既口感 !

「一日一蘋果，醫生遠離我」，由細就聽到大，蘋果係咩味相信大家都好熟悉 ~ 但係日本既青森 Sugoi 蘋果有世界第一之美稱，食過既人都會驚嘆青森蘋果真係好味到魅力沒法擋，如果用一般蘋果比較既話，就會好似普通牛排 vs A5 和牛一樣 ! 

青森縣位於北海道正下方，總人口約128萬人，係日本少數以農林水產為主要產業既地區方，亦都係最知名既蘋果種植區。係每年大約90萬噸既日本蘋果總產量中，有50萬噸來自青森縣，被稱為係「日本第一既蘋果王國」，認真厲害 !!

而青森出產既 Sugoi 王林蘋果同太陽富士蘋果就係非常受日本人同世界各地歡迎既品種，今日就同大家上一堂，介紹下呢兩種日本國寶級蘋果啦 ! 同學們，埋位了 ~

 

受盡日本人萬千寵愛在一身:  Sugoi 太陽富士蘋果

受日本人偏愛既富士蘋果

係1930年代末期，日本青森縣藤崎町農林省園藝試驗場東北支場既培育者開始培育富士蘋果，之後係1962年引進市場。富士蘋果係由美國既五爪蘋果同國光蘋果兩個變種雜交得到培育而成。

係日本，富士蘋果非常暢銷，佔青森縣生產數量成一半 ! 日本人偏愛富士蘋果既清脆同甜美既口感，甚至開始排斥其他種類既蘋果，因此日本蘋果既進口量好低。

 

比一般蘋果甜度高出1-1.5度

號稱「不摘葉」既 SUGOI 太陽富士蘋果，每個蘋果大約保留左60片樹葉，光照充足下，透過光合作用，不停地製造更多養分 ! 可以讓落葉後成熟既太陽富士蘋果，擁有獨特風味之外，仲更甘甜可口，甚至比一般蘋果甜度還高出1-1.5度！

 

果皮更為柔軟的秘密

太陽富士蘋果係 10 月下旬 ~ 11 月上旬係採收既季節，但點解富士蘋果既收穫時期同售賣時期相隔甘遠呢？因為富士蘋果係採收既時候，會由農家一粒一粒、仔細小心地放入袋裡，再放入保持蘋果鮮度專用既冰箱，比蘋果冬眠，到春天先出黎，因為當正 bb 甘呵護，富士蘋果既果皮比一般蘋果都來得更為柔軟、色澤都更鮮紅明亮。

有「蘋果界國王👑」美稱: Sugoi王林富士蘋果

大家對蘋果既一般印象應該係: 飽滿鮮紅既外皮、圓圓既外型，但黃綠色既 Sugoi 王林富士蘋果有「蘋果界國王👑」既美稱，係青森縣既生產量僅次於富士蘋果。

 

不一樣的蘋果品種

同一般常見既蘋果唔一樣，王林蘋果有黃綠色外皮，成熟會出現褐色斑點。黃色既水果可能會比人一種偏酸既感覺，但青森縣既王林蘋果反而酸味更少，甜味更明顯又多汁，而且香氣十分特別，同富士蘋果一樣甘多人上癮。

 

造就黃色蘋果既因素

點解會有黃色既蘋果呢? 係因為蘋果裏頭有三種不同顏色既色素: 紅色、黃色、綠色，

根據品種、照射日光時間長度既不同，每種蘋果種類呈現既顏色程度都會唔一樣。

 

日本青森縣既 Sugoi 王林蘋果同太陽富士蘋果係非常受歡迎既水果，如果你係蘋果愛好者，記得趁宜家當季大量入手喇 ! 就算唔係食開蘋果， Sugoi 王林蘋果同太陽富士蘋果絕對值得你一試，快 d 一齊感受下蘋果界之王啦 ~

 

 

文章參考:

「青森蘋果」優質的秘密 | 蘋果大學. (n.d.). https://www.ringodaigaku.com/taiwanese/aomoriringo/index_ta.html