個個都鍾意食靚芒果 唔通個個都知點揀芒果咩? 

買完芒果千其唔好做呢樣野? 5 個揀芒果時一定要問嘅問題 !

(文末有驚喜 ! 🎁)

1. 🥭芒果表面光滑 & 顏色平均嗎?

買之前記得要對個芒果 「上下其手」，睇吓個芒果夠唔夠光滑，如果佢已經呈現皺皮嘅話，即係代表芒果內裡嘅水份已經流失緊，食落口都無咁 Juicy ! 不過，有時芒果摸落去好似茶咗粉底咁，有一層粉質感，唔洗擔心 ! 其實係一層天然嘅果粉保護住芒果 ~ 

另外，睇埋個芒果嘅顏色分佈，當一個芒果受到足夠嘅陽光照射，成個芒果睇落顏色都會平均 d，唔會一邊青一邊黃色，味道就會更香甜 ~

2. ✈️芒果係搭飛機定坐船嚟?

夏天好熱好熱嘅時候，成日都會聽到人講 : 「焗到個人都熟喇 ! 」其實芒果都會焗到熟架 ! 芒果由產地直送嚟香港，會分為搭船同搭飛機，搭船嘅話，由於時間比較長，所以芒果喺成熟度 6 成嘅時候就要摘落嚟，導致太陽曬少咗，光合作用少咗，芒果嘅甜度就會低 d，價錢都會較便宜。

而搭飛機嚟嘅芒果就因為運輸時間唔洗咁長，所以喺芒果 7 成半嘅時候先摘落嚟，日照時間長，芒果就比較成熟、香甜同多汁。

3. 🔎芒果有無黑點?

當芒果放得太耐，就會有黑色點， 因為芒果當中有兩種病毒會出現: 黑斑病、炭疽病。雖然佢哋都對人體無害，但咁樣姐係代表芒果品質出現問題，揀芒果時應該盡量避開，但如果已買咗返屋企就要盡快食用喇 ~

4. 👀芒果蒂頭有香氣 & 膠質嗎? 

芒果散發出嘅香氣自然係一個決定性因素，香氣十足嘅芒果係一個完熟芒果嘅必要條件，另外，如果芒果蒂頭位置出現一點點膠質，即係芒果糖份已經非常充足，隨時可以開嚟食。

5. 🤔點樣存放芒果先啱?

如果買咗幾個芒果......

將芒果放係室內陰涼地方就可以。

如果買咗一箱芒果......

將紙箱打開透風約三至五日，如果想知幾時可以食，用手指輕壓芒果蒂頭周圍，有微凹軟化就可食用。

如果芒果太熟......

用紙袋或報紙包好放入雪櫃中 (記得唔好用膠袋，否則會因產生濕氣而腐爛)，兩日內就好食喇。

⚠️注意: 

芒果買返嚟後，若果未完全熟透，切忌放入冰箱冷藏，低溫環境下，細胞膜的穩定性會被破壞，促使有毒物質形成和累積所致，令果皮產生凹狀斑點、塊斑或變成褐黑色，果肉變褐色並呈水爛狀等，嚴重影響食用品質。

================================================================

【🎁Awwws 5月送禮活動 - 原箱 3kg 泰國Crown金水仙芒】想唔想成為幸運兒獲得原箱 3kg 泰國Crown金水仙芒 ? 即刻到 Awwws 官方 Instagram @Awwwsapp 留意嚟緊嘅活動詳情啦 !